想生BB 今日: 3 | 主題: 109076

積分: 195

1^#

發表於 23-8-10 12:48 |只看該作者 |倒序瀏覽 |打印

本帖最後由 Mommyland 於 23-8-13 11:28 編輯

自己經過漫長又痛苦的過程，所以真心想分享比JM，希望幫到大家，我重努力緊.....
＃純粹個人經驗及感受分享，每人應該跟自己的心走...

在香港做左N次抽卵（好多次），換左兩個醫生（好出名那些），但試過植入3次都失敗，於是諗住放棄之前，去台灣試一次，只想令自己心死，因為已經超過4X歲了，唔好彩遇到疫情，咁又唔見左三年，終於等到開關了。

三年前做過research, 愛群好出名，諗住試返，但佢地比較「舊式」，如主要用email 溝通，通常都要等幾日才回覆，比錢又唔可以碌卡，我覺得有少少不安，於是上網再找有冇其他選擇，揾到曾啟瑞醫師－「台灣試管嬰之父」，原來佢新開一間叫TFC的生殖中心，我又去問下，點知佢哋覆得幾快，重同我講其實佢哋有國際團隊，可以幫我用Whatsapp解答問題，我當然問左大家都要問的問題，佢都好快答到我，重叫我去check AMH，如果少過1, 就要盡快做，佢見我咁大年紀，建議我找副院長胡醫師，因為佢最近先幫過一個47歲的女士自卵成功。

去台灣之前，佢可以安排一次視像會診（收費的），但我經驗豐富，加上之前的國際團隊同事都基本上答哂我的問題，我自己決定M嚟時D1/ 2約見醫生，無做視像會診。

成個體驗同香港好唔同

1. 香港做左咁耐都好似流水作業咁，攞哂藥就打，中間見一、兩次醫生，大約D15/16抽卵，但今次無論成功與否，我都感覺良好很多，起碼個人無咁不安，因為醫師（台灣叫醫生做醫師）會照不同情況用藥或不用藥（我試過中間有幾日唔使打針），差不多每日或隔日就要見，每次都要抽血（香港係完全冇！），最後D19先抽，我之前抽都係B grade以下，所以都真係無乜期望，但今次好好居然有粒A（奇蹟呀！），當然表面睇好靚，未知真正質素如何。醫師建議冷凍先，下次先植入，因為子宮內膜唔夠厚。

2. TFC的服務真係好貼心，有一個APP download比你用，除左約時間見醫生外，你會知道real time要等幾耐，可以到樓下商場行下，夠鐘差唔多時間先返去，唔係坐係度等等等。重會提你下一步做乜做乜。

有一個好重要的優點：透明度！
在香港，你好多時唔知道自己食乜藥，有乜副作用，亦唔會有超聲波的圖，只可信醫生，香港醫生係唔會比返哂你的。

在台灣，每種藥都好詳細寫明藥物用途同副作用，每次超聲波的圖都可以係App 度睇返，就連冷凍的胚胎也有圖比你睇，同埋所有的驗血報告都有。呢樣都好重要，因為你清楚哂醫生做緊乜，自己亦要知道自己身體狀況及進度，成個過程令我安心好多。

3. 抽卵過程也很貼心，換完衫，怕你凍，會比件整熱左的外套比你著住先，等候室有暖爈，做完手術會為你做好保暖（我就好記得係香港醒左好凍但手術室無人），有免費湯飲同嘢食，雖然你覺得是小事，但對於我來講過程上的感受也十分重要，至少這各方面的小事，令我心情輕鬆、放心很多。

4. 我自己係咁嘅，只要離開香港，唔知點解心情都輕鬆D，好似旅行咁，唔使諗今晚煮乜飯、唔使照顧長老、唔使顧呢様嗰樣，同埋香港的節奏好急，無形之中都有D壓力，所以相對係香港做，在台灣做的心情係放鬆左D

（利申：我只係第一次來台灣做IVF，我現在用那間TFC係咁樣做的，我想其他台灣IVF中心也差不多吧！）

下次再嚟台灣再update大家！大家加油！

0 0 0

私人傳訊回覆引用

積分: 195

2^#

發表於 23-8-11 00:05 |只看該作者

以下少少個人心得分享：

香港做定台灣做？

首先，唔好等，䀆早做（其實呢樣JM都知！），我會建議係香港做先試一、兩次，先到台灣試，因為始終飛來飛去，真是很累，你可能要抽幾次卵。

另外要考慮是時間，抽一次卵，太太要在台灣留起碼兩至三星期左右（好的醫生係會緊密跟進你的情況，好似我咁，通常每日或相隔一、兩天就見醫生，無可能中間返香港），如果要返工，真有點困難，至於老公最緊要抽卵當日到就得，但我覺得如果有老公陪會好好多（我就有屋企人同老公輪流陪，其實都好幸運）。

睇邊個醫生其實都係緣份，但一定要醒覺幾時要轉醫生，夾唔夾係試過先知，因為唔同醫生的手法會唔同，如果試左幾次都唔得就要轉。另外，心情都好緊要，IVF過程係辛苦，所以如果其他小事唔駛你煩，我會放鬆好多。

錢，如果加埋時間成本、酒店加機票，其實都唔係平好多，當然台灣的技術比香港好，所以如果試左係香港唔得，就去台灣做啦！

p.s. 其實我第一次係呢度Post嘢，唔知點解，打哂出嚟，心情好似好D，重有漫漫長路，希望大家互相鼓勵。

私人傳訊回覆引用

積分: 2493

3^#

發表於 23-8-11 07:52 |只看該作者

Mommyland 發表於 23-8-11 00:05
以下少少個人心得分享：

香港做定台灣做？

我當初都有考慮台灣，因奶奶係台灣人，不過我吾想老公個邊D台灣親戚知道我做人工授孕所以無去做，我之前係威記做吾成功，誤打誤撞下人地介紹去左深圳做，第二次就成功左了，做人工授孕最辛苦係媽媽，每次失敗，心情都好低落，D人吾會明白，只有自己先知道，我都建議如果真的很想要小孩，要做就要快，越早做成功率越高。

私人傳訊回覆引用

積分: 195

4^#

發表於 23-8-12 00:05 |只看該作者

回覆 ceo234 的帖子

謝謝你的分享，總之大家盡力做，BB都係緣份嚟才到，不過如果試左好多次、唔同醫生都失敗（好似我咁試左5年了！），咁可能要為自己set個deadline，我諗住試埋今年，唔得就算，可能考慮領養了。

多謝大家的分享同聽我講，心情好像好點了。

私人傳訊回覆引用

積分: 2493

5^#

發表於 23-8-12 10:04 |只看該作者

Mommyland 發表於 23-8-12 00:05
回覆 ceo234 的帖子

謝謝你的分享，總之大家盡力做，BB都係緣份嚟才到，不過如果試左好多次、唔同醫生都失 ...

你放胚胎前後，每晚用暖水浸腳，大約半小時，呢個係可以幫胚胎著床，但不要浸太久和太熱既水你和先生每天都要吃雞蛋和葉酸，男士維他命，呢個係養卵和對精子質素好，正常抽卵前三個月就開始食。
我同你差吾多，但我係放胎前後，先知身體有好多問題，斷斷續續都入個四次手術室，所以你吾好灰心。

私人傳訊回覆引用

積fun日日賺

積分: 885

6^#

發表於 23-8-12 17:45 |只看該作者

台灣好似真係跟得幾好

私人傳訊回覆引用

積分: 195

7^#

發表於 23-8-12 21:15 |只看該作者

回覆 ceo234 的帖子

謝謝你呀@ceo234！IVF同路人先會明白，冋老公朋友講佢哋唔係好明，只係覺得你太緊張，叫你放鬆D，（我都知！）但係有時真係好難做到，同大家JM講，大家會明白多好多，我心情也好多D，所以各位JM，IVF過程很漫長亦好似坐過山車咁，一定要揾個方法去發洩你的情緒，如做你喜歡的事、同大家分享等。大家繼續努力，Good Luck！

私人傳訊回覆引用

積分: 195

8^#

發表於 23-8-12 21:33 |只看該作者

回覆積fun日日賺的帖子

補充一下：除了以上提到台灣IVF的優點外，有一個好重要的優點，忘記了講：透明度。
在香港，你好多時唔知道自己食乜藥，有乜副作用，亦唔會有超聲波的圖，只可信醫生，香港醫生係唔會比返哂你的。

在台灣，每種藥都好詳細寫明藥物用途同副作用，每次超聲波的圖都可以係App 度睇到，就連冷凍的胚胎也有圖，同埋所有的驗血報告都有。呢樣都好重要，因為你清楚哂醫生做緊乜，自己亦要知道自己身體狀況，成個過程令我安心好多。

希望以上資料可以幫到你／各JM做選擇。

（利申：我只係第一次來台灣做IVF，我現在用那間係咁樣做的，我想其他的台灣IVF中心也差不多吧！）

私人傳訊回覆引用

積分: 2493

9^#

發表於 23-8-12 23:47 |只看該作者

Mommyland 發表於 23-8-12 21:33
回覆積fun日日賺的帖子

補充一下：除了以上提到台灣IVF的優點外，有一個好重要的優點，忘記了講：透明 ...

其實都同我差吾多，我個時係深圳做都係app睇報告，一樣有胚胎相，分裂左幾多個細胞，好詳細，放胚胎時，醫生仲有比相我保留，至於藥物方面就有進口藥和國產藥比我選擇。

私人傳訊回覆引用

積fun日日賺

積分: 885

10^#

發表於 23-8-13 00:02 |只看該作者

回覆 Mommyland 的帖子

香港如果公家，真係抽血系驗咩都唔知。。。

私人傳訊回覆引用

積分: 195

11^#

發表於 23-8-13 11:39 |只看該作者

回覆積fun日日賺的帖子

其實我係香港睇過兩個好出名嘅醫生，都係一樣，只是佢哋會同你解釋多啲，有問有答，用藥作用、副作用同埋D報告圖片都係冇。

私人傳訊回覆引用

積分: 195

12^#

發表於 23-8-13 11:53 |只看該作者

回覆 ceo234 的帖子

睇邊個醫生都係緣份，我如果疫情前來台，應該唔會睇到宜家的醫生。最緊要夾到同埋睇得舒服。

其實你第一次回覆，話「誤打誤撞」去深圳睇，我真係覺得你好勇，好彩醫生夾到又成功，恭喜哂你！

對唔住，請不要介意，我唔係好清楚深圳的情況，只知試管嬰兒的技術，美國第一，台灣第二，所以咁多人去台灣做，而且制度及配套上比較有「安全感」，所以我個人意見是香港唔得，就去台灣試吓。

私人傳訊回覆引用

marukokaka

積分: 390

13^#

發表於 23-8-15 00:05 |只看該作者

回覆 Mommyland 的帖子

大概要用幾多錢完成呢次IVF? Thx

私人傳訊回覆引用

積分: 195

14^#

發表於 23-8-15 13:32 |只看該作者

回覆 marukokaka 的帖子

我暫時係台灣抽左一次卵，共駛左大約港紙5－6萬，包見醫生、藥、驗血、超聲波、抽卵手術同埋最後要雪胚胎的費用。可能我年紀大，4X歲了, 開始時對D針藥無乜反應，於是醫生開左D口服藥比我，食左幾日，先再打針，重要每天／隔日見佢同埋抽血，最後足足攪左成19日先抽，結果係比我預期中好好多，D3 －8 cell grade 1。抽卵係每次計，你有機會要抽幾次，咁就要照乘返。
另外，就係放胚胎，預計港紙2萬左右，都係每次計，以我來講，醫師話我可以抽多一次，咁機會率會高D，我聽話，會再抽，之後一次過放哂。

每個人的情況唔同，有機會快或慢，所以駛費都會唔同，不過如果只抽一次放一次，十萬內應該ok, 我在香港做過，大約14－15萬左右。

當然你要計埋機票酒店，如果留得長時間，我建議租airbnb比較好，因為可以自己煮飯，會健康D，台灣的餐廳食物偏向濃味，同埋你可以租遠少少（但要近捷運），會平好多，呢度捷運（即地鐵）好方便快捷。

我開始時都同你一樣，不過我無你醒，識得係呢度問人，所以我以過來人身份，希望幫到大家，唔好好似我咁，行左咁多冤枉路。

我重努力緊，希望大家互相鼓勵下，集下氣，祝大家好運！

私人傳訊回覆引用

積分: 2493

15^#

發表於 23-8-17 20:43 |只看該作者

Mommyland 發表於 23-8-13 11:53
回覆 ceo234 的帖子

睇邊個醫生都係緣份，我如果疫情前來台，應該唔會睇到宜家的醫生。最緊要夾到同埋睇得 ...

深圳我呢間其實之前我都見有吾少香港人去，至於技術世界第一就吾會係，不過內地呢邊出生率低，亦吾少人不育，所以我覺得佢地做到好似食生菜咁食，其實同公立比較，兩邊手法差吾多，用藥就分進口和國產，不過呢D真係睇緣份，你想去就乜都會試，不過去到內地做亦要睇醫院和醫生經驗。

私人傳訊回覆引用

積分: 195

16^#

發表於 23-9-2 16:24 |只看該作者

Updates：在台灣第二次抽卵，結果抽兩粒，有一粒D3 8G2 (B), 之前一次抽兩粒，有一粒D3 8G1 (A)，以我的年紀來講都係算奇蹟了。

之前睇到肧胎師話過：可用「下調法」作為刺激卵巢方案,這方法較費時,通常經驗較豐富嘅醫生才會使用.這正正是我現在台灣醫生的做法！

我今次第24日先抽（上次第19日），開始時，因為對針藥無返應，結果停針，食藥一星期，再返去，另外，要成日抽血睇指數，closely monitor 我的狀況，再計算用藥，呢D 手法／技術／經驗係我在香港做左兩個醫生，都從來未試過的。我老公話台灣醫生真係「功力深厚」，比佢玩到「出精入化」XD！

下月返台灣做子宫鏡，再之後就可以放肧胎了。再分享啦！大家加油！

私人傳訊回覆引用

kakamiho

積分: 982

17^#

發表於 23-9-15 19:49 |只看該作者

Mommyland 發表於 23-9-2 16:24
Updates：在台灣第二次抽卵，結果抽兩粒，有一粒D3 8G2 (B), 之前一次抽兩粒，有一粒D3 8G1 (A)，以我的年 ...

謝謝樓主詳細的分享，等你好消息❤️

私人傳訊回覆引用

joycenwy

積分: 263

18^#

發表於 23-9-17 13:42 |只看該作者

回覆 Mommyland 的帖子

我都想過台灣做ivf,有個朋友搵翁醫師做一次成功本身諗住搵翁醫師
但睇完你呢個po,想去你呢間
我呢幾個月做左三次iui都失敗
但我其實生過bb,不過已經係18年前
而家好想再生🥺

私人傳訊回覆引用

Babyhappy2022

積分: 545

19^#

發表於 23-11-22 17:20 |只看該作者

回覆 joycenwy 的帖子

我都係呀

私人傳訊回覆引用